Цэвэр, эрүүл орчны шийдэл

Монгол Улсын дулаан хангамж, эрчим хүчний хэрэглээ нь хотжилт, хүн амын өсөлт, агаарын бохирдолтой салшгүй холбоотой асуудал билээ. Ялангуяа өвлийн улиралд өргөн хэрэглэгддэг нүүрсээр ажилладаг халаалтын зуух нь агаарын бохирдол, ашиглалтын хүндрэл, эрүүл мэндийн олон эрсдэлийг дагуулсаар ирсэн.

Харин дэлхий нийтээр байгалийн хий, LPG-д суурилсан хийн халаалтын системийг сонгож буй нь илүү цэвэр, аюулгүй, эдийн засгийн үр ашигтай орчин үеийн шийдэл болохыг харуулж байна.

Байгаль орчин ба агаарын бохирдол

Нүүрсний хэрэглээ нь Монгол Улсын агаарын бохирдлын үндсэн эх үүсвэрийн нэг хэвээр байна. Харин хийн халаалтын систем нь агаарын бохирдлыг бууруулах бодлогын хүрээнд хамгийн бодит, шууд хэрэгжих боломжтой шийдэл юм.

Нийгэм, эдийн засгийн үр нөлөө:

• Нийслэлийн агаарын бохирдлыг бууруулах эрх зүйн баримт бичгүүдийн хүрээнд айл өрхийг олон улсын болон үндэсний стандарт хангасан цахилгаан, хийн халаалтын төхөөрөмжөөр хангах зорилт хэрэгжиж байна.

• Төвлөрсөн эрчим хүчний ачаалал буурч, Засгийн газраас олгодог шөнийн цахилгааны татаасны хэмжээ багасах нөхцөл бүрдэнэ.

• Аймгийн төвүүдэд орон сууцжилт нэмэгдэхийн хэрээр ой мод огтлох, өвлийн түлш бэлтгэх явдал буурч, бүс нутгийн экологийн тэнцвэр хадгалагдана.

• Автоматжуулсан технологи тул хүний хүчин зүйлээс үүдэх эрсдэл багасч, ашиглалтын дараах хог хаягдал үүсэхгүй, байгаль орчинд үзүүлэх сөрөг нөлөө эрс буурна.

Хийн түлшний хэрэглээ өсөж буй 3 үндсэн шалтгаан

1. Байгаль орчинд үзүүлэх сөрөг нөлөө бага

2. Дулаан ялгаруулалт өндөр тул үйлдвэрлэл, ахуйн хэрэглээнд илүү тохиромжтой

3. Шингэрүүлсэн хийн боловсруулах, тээвэрлэх, хадгалах технологи хурдацтай хөгжиж байна

Шингэрүүлсэн хийн түлшийг ашиглаж буй салбарууд

• Айл өрх

• Нийтийн хоол, үйлчилгээ

• Автомашин, тээвэр

• Барилгын дулаан хангамж, халаалт, хөргөлт

• Хүнд, хөнгөн, хүнсний үйлдвэр, газар тариалан

• Аялал жуулчлал

• Эрдэм шинжилгээ, судалгааны лаборатори

Нүүрс ба хийн зуухны байгаль орчинд үзүүлэх нөлөөлөл

Нүүрсээр ажилладаг зуух:

• CO₂, SO₂, NOₓ

• PM2.5, PM10 нарийн тоосонцор

• Их хэмжээний тортог, үнс ялгаруулж

• Уушги, зүрх судасны өвчлөл нэмэгдүүлдэг нь судалгаагаар тогтоогдсон

Хийн түлшээр ажилладаг зуух:

• Бүрэн автомат, хүний оролцоо бага

• Шаталтаас ялгарах хорт хий нь Монгол Улсын стандартын зөвшөөрөгдөх хэмжээнээс хэд дахин бага

• Ашигт үйлийн коэффициент өндөр

• Үнс, нурам, тоосонцор, хорт хаягдал үүсэхгүй